80                            CHRONICA DE GESTIS

furtivus viator egreditur. Non longe a Parisiaca urbe,
burgum Sancti Germani devitans, a molendinario qui
molendinos Sequanae custodiebat, dato de suo, habile
navigium sibi parari impetravit. Volens adhuc consul
se occultare, ea nocte in domo molendinarii dormit.
Mane cum uno solo equo, milite suo sibi sociato,
cum duobus molinariis navigio Sequanam transit.
Viso Dano ejusque clamore audito, comes infremuit
et armatus cito equum descendit. Reliclis in nave
sociis, amœna planitie solus ei obviavit; uterque au¬
tem, cornipedem calcaribus urgens , appropinquavit.
Comes, perforato hostis pectore , ferro etiam inter
armos foras emisso, Danum prostravit. Qui et illaesus
recessit, licet Danus, gravissimo ictu dato, fracto
clypeo scissaque lorica, juxta sinistrum latus consulis
ferrum deducens, fracta hasta equum illius in po¬
stremo femore vulneravit.

Respiciens comes Danum gemebundum , torvis
oculis adhuc minacem nitentemque exsurgere, fes¬
tinus descendit, abstracto ipsius proprio gladio, velut
alter David, caput abscidit. Iterum equo suo statim
scandit et cum hostili equo et capite ad navem pro-
perat; fluvio enavigato, domino navis caput, ut in
civitatem déférât, tradit. Ipse, clandestinus viator,
Landonense Castro ad suos rediit; sociis in via ne se
detegant obnixe praecepit.

Multi a murorum et propugnatorum (1 ) spectaculis et
ab ecclesiarum apicibus prospectabant et, quamvis quis
esset ignorarent, tamen prosperitati ejus invidebant.
Laetabantur autem in Domino Jesu et, gratias agen-

( 1 ) Sp, ; ^/'o/? ugn aculoru m.