ghazal
{7}
 
 

*{7,1}

ul;Tii ho ga))ii;N sab tadbiire;N kuchh nah davaa ne kaam kiyaa
dekhaa is biimaarii-e dil ne aa;xir kaam tamaam kiyaa

*{7,2}

((ahd-e javaanii ro ro kaa;Taa piirii me;N lii;N aa;Nkhe;N muu;Nd
ya((nii raat bahut the jaage .sub;h hu))ii aaraam kiyaa

[{7,3}]

;harf nahii;N jaa;N-ba;xshii me;N us kii ;xuubii apnii qismat kii
ham se jo pahle kah bhejaa so marne kaa pai;Gaam kiyaa

*{7,4}

naa-;haq ham majbuuro;N par yih tuhmat hai mu;xtaarii kii
chaahte hai;N so aap kare;N hai;N ham ko ((aba;s bad-naam kiyaa

[{7,5}]

saare rind aubaash jahaa;N ke tujh se sujuud me;N rahte hai;N
baa;Nke ;Te;Rhe tirchhe tiikhe sab kaa tujh ko imaam kiyaa

*{7,6}

sar-zad ham se be-adabii to va;hshat me;N bhii kam hii hu))ii
koso;N us kii or ga))e par sijdah har har gaam kiyaa

[{7,7}]

kis kaa ka((bah kaisaa qiblah kaun ;haram hai kyaa a;hraam
kuuche ke us ke baashindo;N ne sab ko yahii;N se salaam kiyaa

[{7,8}]

shai;x jo hai masjid me;N nangaa raat ko thaa mai-;xaane me;N
jubbah ;xirqah kurtaa ;Topii mastii me;N in((aam kiyaa

[{7,9}]

kaash ab burqah mu;Nh se u;Thaa de varnah phir kyaa ;haa.sil hai
aa;Nkh mu;Nde par un ne go diidaar ko apne ((aam kiyaa

*{7,10}

yaa;N ke saped-o-siyah me;N ham ko da;xl jo hai so itnaa hai
raat ko ro ro .sub;h kiyaa yaa din ko juu;N-tuu;N shaam kiyaa

[{7,11}]

.sub;h chaman me;N us ko kahii;N takliif-e havaa le aa))ii thii
ru;x se gul ko mol liyaa qaamat se sarv ;Gulaam kiyaa

*{7,12}

saa((id-e siimii;N dono;N us ke haath me;N laa kar chho;R diye
bhuule us ke qaul-o-qasam par haa))e ;xayaal-e ;xaam kiyaa

[{7,13}]

kaam hu))e hai;N saare .zaa))i har saa((at ki samaajat se
isti;Gnaa kii chau-gunii un ne juu;N juu;N mai;N ibraam kiyaa

*{7,14}

aise aahuu-e ram-;xvurdah kii va;hshat khonii mushkil thii
si;hr kiyaa i((jaaz kiyaa jin logo;N ne tujh ko raam kiyaa

[{7,15}]

miir ke diin-o-ma;zhab ko ab puuchhte kyaa ho un ne to
qashqah khai;Nchaa dair me;N bai;Thaa kab kaa tark islaam kiyaa

*{7,16} = {1542,5}

registaa;N me;N jaa ke rahe;N yaa sangistaa;N me;N ham jogii
raat hu))ii jis jaagah ham ko ham ne vahii;N bisraam kiyaa