ghazal
{11}

 
 

*{11,1}

jis sar ko ;Guruur aaj hai yaa;N taaj-varii kaa
kal us pah yahii;N shor hai phir nau;hah-garii kaa

{11,2}

sharmindah tire ru;x se hai ru;xsaar parii kaa
chaltaa nahii;N kuchh aage tire kabk-e darii kaa

*{11,3}

aafaaq kii manzil se gayaa kaun salaamat
asbaab lu;Taa raah me;N yaa;N har safarii kaa

*{11,4}

zindaa;N me;N bhii shorish nah ga))ii apne junuu;N kii
ab sang mudaavaa hai is aashuftah-sarii kaa

{11,5}

har za;xm-e jigar daavar-e ma;hshar se hamaaraa
in.saaf-:talab hai tirii be-daad-garii kaa

*{11,6}

apnii to jahaa;N aa;Nkh la;Rii phir vahii;N dekho
aa))iine ko lapkaa hai pareshaa;N-na:zarii kaa

*{11,7}

.sad mausam-e gul ham ko tah-e baal hii gu;zre
maqduur nah dekhaa kabhuu be-baal-o-parii kaa

{11,8}

is rang se jhamke hai palak par kih kahe tuu
;Tuk;Raa hai miraa ashk ((aqiiq-e jigarii kaa

{11,9}

kal sair kiyaa ham ne samundar ko bhii jaa kar
thaa dast nagar panjah-e mizhgaa;N kii tarii kaa

*{11,10}

le saa;Ns bhii aahistah kih naazuk hai bahut kaam
aafaaq kii is kaar-gah-e shiishah-garii kaa

{11,11}

;Tuk miir-e jigar-so;xtah kii jald ;xabar le
kyaa yaar bharosah hai chiraa;G-e sa;harii kaa