ghazal
{66}

 
 

*{66,1}

dil ke ta))ii;N aatish-e hijraa;N se bachaayaa nah gayaa
ghar jalaa saamne par ham se bujhaayaa nah gayaa

*{66,2}

dil me;N rah dil me;N kih mi((maar-e qa.zaa se ab tak
aisaa ma:tbuu(( makaa;N ko))i banaayaa nah gayaa

{66,3}

kabhuu ((aashiq kaa tire jib'he se naa;xun kaa ;xaraash
;xa:t:t-e taqdiir ke maanind mi;Taayaa nah gayaa

{66,4}

kyaa tunuk ;hauslah the diidah-o-dil apne aah
ek dam raaz mu;habbat kaa chhupaayaa nah gayaa

{66,5}

dil jo diidaar kaa qaatil ke bahut bhuukaa thaa
us sitam-kushtah se ik za;xm bhii khaayaa nah gayaa

*{66,6}

mai;N to thaa .said-e zabuu;N .said-gah-e ((ishq ke biich
aap ko ;xaak me;N bhii ;xuub milaayaa nah gayaa

*{66,7}

shahr-e dil aah ((ajab jaa))e thii par us ke ga))e
aisaa uj;Raa kih kisii :tar;h basaayaa nah gayaa

{66,8}

aaj ruktii nahii;N ;xaame kii zabaa;N rakhye mu((aaf
;harf kaa :tuul bhii jo mujh se gha;Taayaa nah gayaa