ghazal
{226}

 
 

*{226,1}

jhuu;Te bhii puuchhte nahii;N ;Tuk ;haal aan kar
an-jaan itne kyuu;N hu))e jaate ho jaan kar

*{226,2}

ve log tum ne ek hii sho;xii me;N kho diye
paidaa kiye the char;x ne jo ;xaak chhaan kar

{226,3}

jhamke dikhaa ke baa))i;s-e hangaamah hii rahe
par ghar se dar pah aa))e nah tum baat maan kar

*{226,4}

kahte nah the kih jaan se jaate rahe;Nge ham
achchhaa nahii;N hai aa nah hame;N imti;haan kar

{226,5}

kam-go jo ham hu))e to sitam kuchh nah ho gayaa
achchhii nahii;N yih baat mat itnii zabaan kar

*{226,6}

ham ve hai;N jin ke ;xuu;N se tirii raah sab hai gul
mat kar ;xaraab ham ko to auro;N me;N saan kar

{226,7}

taa kushtah-e vafaa mujhe jaane tamaam ;xalq
turbat pah merii ;xuun se mere nishaan kar

{226,8}

naaz-o-((itaab-o-;xashm kahaa;N tak u;Thaa))iye
yaa rab kabhuu to ham pah use mihrbaan kar

*{226,9}

afsaane maa-o-man ke sune;N miir kab talak
chal ab kih sove;N mu;Nh pah duu-pa;T;Te ko taan kar