ghazal
{932}

 
 

*{932,1}

kyaa chahre ;xudaa ne diye un ;xvush pisaro;N ko
denaa thaa tunuk ra;hm bhii bedaad-garo;N ko

*{932,2}

aa;Nkho;N se hu))ii ;xaanah-;xaraabii-e dil ay kaash
kar lete tabhii band ham un dono;N daro;N ko

*{932,3}

parvaaz-e gulistaa;N ke to shaa))istah nah nikle
parvaanah nama:t aag ham ab de;Nge paro;N ko

*{932,4}

sab :taa))ir-e qudsii hai;N jo yih zer-e falak hai;N
muu;Ndaa hai kahaa;N ((ishq ne in jaanvaro;N ko

{932,5}

zinhaar tire dil kii tavajjuh nah ho iidhar
aage tire ham-kaa;Rh rakhe;N gar jigaro;N ko

{932,6}

pairaahan-e .sad-chaak silaate hai;N miraa log
tah se nahii;N mu:tlaq ;xabar un be-;xabaro;N ko

{932,7}

juu;N ashk jahaa;N jaate rahe;Nge to ga))e phir
dekhaa karo ;Tuk aan ke ham diidah-taro;N ko

{932,8}

us baa;G ke har gul se chipak jaatii hai;N aa;Nkhe;N
mushkil banii hai aan ke .saa;hib na:zaro;N ko

{932,9}

aadaab-e junuu;N chaahiye ham se ko))ii siikhe
dekhaa hai bahut yaaro;N ne aashuftah-saro;N ko

*{932,10}

andeshah kii jaagah hai bahut miir-jii marnaa
dar-pesh ((ajab raah hai ham nau-safaro;N ko