ghazal
{1590}

 
 

*{1590,1}

shahr se yaar savaar hu))aa jo savaad me;N ;xuub ;Gubaar hai aaj
dashtii va;hsh-o-:tair us ke sar-tezii hii me;N shikaar hai aaj

*{1590,2}

bar-afro;xtah ru;x hai us kaa kis ;xuubii se mastii me;N
pii ke sharaab shiguftah hu))aa hai us nau gul pah bahaar hai aaj

*{1590,3}

us kaa ba;hr-e ;husn saraasar auj-o-mauj-o-talaa:tum hai
shauq kii apne nigaah jahaa;N tak jaave bos-o-kinaar hai aaj

[{1590,4}]

aa;Nkhe;N us kii laal hu))ii;N hai;N aur chale jaate hai;N sar
raat ko daaruu pii soyaa thaa us kaa .sub;h ;xumaar hai aaj

[{1590,5}]

ghar aa))e ho faqiiro;N ke to aa))o bai;Tho lu:tf karo
kyaa hai jaan bin apne kane so in qadmo;N pah ni;saar hai aaj

[{1590,6}]

kyaa puuchho ho saa;Njh talak pahluu me;N kyaa kyaa ta;Rphaa hai
kal kii nisbat dil ko hamaare baare kuchh to qaraar hai aaj

*{1590,7}

mat chuuko is jins-e giraa;N ko dil kii vahii;N le jaa))o tum
hinduusitaa;N me;N hinduu bacho;N kii bahut ba;Rii sarkaar hai aaj

[{1590,8}]

;xuub jo aa;Nkhe;N khol ke dekhaa shaa;x-e gul se na:zar aayaa
un rango;N phuulo;N me;N milaa kuchh ma;hv-e jalvah-e yaar hai aaj

[{1590,9}]

ja;zb-e ((ishq jidhar chaahe le jaa))e hai ma;hmil lail;aa kaa
ya((nii haath me;N majnuu;N ke naaqe kii us ke mahaar hai aaj

*{1590,10}

raat kaa pahnaa haar jo ab tak din ko utaaraa un ne nahii;N
shaayad miir jamaal-e gul bhii us ke gale kaa haar hai aaj