Tughluqabad

Akbar's tomb at Sikandra, from the Berger Collection

 

Ghazal 58

10 verses (out of 10); rhyming elements: ar dar-o-diivaar
composed 1821; Arshi #58

{58,1}

balaa se hai;N jo bah pesh-e na:zar dar-o-diivaar
nigaah-e shauq ko hai;N baal-o-par dar-o-diivaar

{58,2}

vufuur-e ashk ne kaashaane kaa kiyaa yih rang
kih ho ga))e mire diivaar-o-dar dar-o-diivaar

{58,3}

nahii;N hai saayah kih sun kar naved-e maqdam-e yaar
ga))e hai;N chand qadam peshtar dar-o-diivaar

{58,4}

hu))ii hai kis qadar arzaanii-e mai-e jalvah
kih mast hai tire kuuche me;N har dar-o-diivaar

{58,5}

jo hai tujhe sar-e saudaa-e inti:zaar to aa
kih hai;N dukaan-e mataa((-e na:zar dar-o-diivaar

{58,6}

hujuum-e giryah kaa saamaan kab kiyaa mai;N ne
kih gir pa;Re nah mire paa;Nv par dar-o-diivaar

{58,7}

vuh aa rahaa mire ham-saaye me;N to saaye se
hu))e fidaa dar-o-diivaar par dar-o-diivaar

{58,8}

na:zar me;N kha;Tke hai bin tere ghar kii aabaadii
hameshah rote hai;N ham dekh kar dar-o-diivaar

{58,9}

nah puuchh be-;xvudii-e ((aish-e maqdam-e sailaab
kih naachte hai;N pa;Re sar bah sar dar-o-diivaar

{58,10}

nah kah kisii se kih ;Gaalib nahii;N zamaane me;N
;hariif-e raaz-e mu;habbat magar dar-o-diivaar