Ghazal 97

{97,1}

miltii hai ;xuu-e yaar se naar iltihaab me;N
kaafir huu;N gar nah miltii ho raa;hat ((a;zaab me;N

{97,2}

kab se huu;N kyaa bataa))uu;N jahaan-e ;xaraab me;N
shab'haa-e hijr ko bhii rakhuu;N gar ;hisaab me;N

{97,3}

taa phir nah inti:zaar me;N nii;Nd aa))e ((umr bhar
aane kaa ((ahd kar ga))e aa))e jo ;xvaab me;N

{97,4}

qaa.sid ke aate aate ;xa:t ik aur likh rakhuu;N
mai;N jaantaa huu;N jo vuh likhe;Nge javaab me;N

{97,5}

mujh tak kab un kii bazm me;N aataa thaa daur-e jaam
saaqii ne kuchh milaa nah diyaa ho sharaab me;N

{97,6}

jo munkar-e vafaa ho fareb us pah kyaa chale
kyuu;N bad-gumaa;N huu;N dost se dushman ke baab me;N

{97,7}

mai;N mu.z:tarib huu;N va.sl me;N ;xauf-e raqiib se
;Daalaa hai tum ko vahm ne kis pech-o-taab me;N

{97,8}

mai;N aur ;ha:z:z-e va.sl ;xudaa-saaz baat hai
jaa;N na;zr denii bhuul gayaa i.z:tiraab me;N

{97,9}

hai tevarii cha;Rhii hu))ii andar naqaab ke
hai ik shikan pa;Rii hu))ii :tarf-e naqaab me;N

{97,10}

laakho;N lagaa))o ek churaanaa nigaah kaa
laakho;N banaa))o ek biga;Rnaa ((itaab me;N

{97,11}

vuh naalah dil me;N ;xas ke baraabar jagah nah paa))e
jis naale se shigaaf pa;Re aaftaab me;N

{97,12}

vuh si;hr mudda((aa-:talabii me;N nah kaam aa))e
jis si;hr se safiinah ravaa;N ho saraab me;N

{97,13}

Some divan editions treat this and the following ghazal, {98}, as a single long ghazal.

;Gaalib chhu;Tii sharaab par ab bhii kabhii kabhii
piitaa huu;N roz-e abr-o-shab-e maah-taab me;N