Tughluqabad

Itimad ud-Daulah's tomb, from the Berger Collection

 

Ghazal 121

8 verses (out of 9); rhyming elements: an ke paa;Nv
composed 1838; Arshi #122; Raza p. 283

{121,1}

dhotaa huu;N jab mai;N piine ko us siim-tan ke paa;Nv
rakhtaa hai .zid se khe;Nch ke baahar lagan ke paa;Nv

{121,2}

dii saadagii se jaan pa;Ruu;N kohkan ke paa;Nv
haihaat kyuu;N nah ;Tuu;T gaye piir-zan ke paa;Nv

{121,3}

bhaage the ham bahut so usii kii sazaa hai yih
ho kar asiir daabte hai;N raah-zan ke paa;Nv

{121,4}

marham kii justajuu me;N phiraa huu;N jo duur duur
tan se sivaa figaar hai;N is ;xastah-tan ke paa;Nv

{121,5}

al-l;aah re ;zauq-e dasht-navardii kih ba((d-e marg
hilte hai;N ;xvud bah ;xvud mire andar kafan ke paa;Nv

{121,6}

hai josh-e gul bahaar me;N yaa;N tak kih har :taraf
u;Rte hu))e ulajhte hai;N mur;G-e chaman ke paa;Nv

{121,7}

shab ko kisii ke ;xvaab me;N aayaa nah ho kahii;N
dukhte hai;N aaj us but-e naazuk-badan ke paa;Nv

{121,8}

;Gaalib mire kalaam me;N kyuu;Nkar mazah nah ho
piitaa huu;N dho ke ;xusrav-e shiirii;N-su;xan ke paa;Nv