Tughluqabad

Agra Fort, from the Berger Collection

 

Ghazal 153

10 verses (out of 10); rhyming elements: aa jaa))e hai
composed after 1821; Arshi #184

{153,1}

dekhnaa qismat kih aap apne pah rashk aa jaa))e hai
mai;N use dekhuu;N bhalaa kab mujh se dekhaa jaa))e hai

{153,2}

haath dho dil se yihii garmii gar andeshe me;N hai
aab-giinah tundii-e .sahbaa se pighlaa jaa))e hai

{153,3}

;Gair ko yaa rab vuh kyuu;Nkar man((-e gustaa;xii kare
gar ;hayaa bhii us ko aatii hai to sharmaa jaa))e hai

{153,4}

shauq ko yih lat kih har dam naalah khe;Nche jaa))iye
dil kii vuh ;haalat kih dam lene se ghabraa jaa))e hai

{153,5}

duur chashm-e bad tirii bazm-e :tarab se vaah vaah
na;Gmah ho jaataa hai vaa;N gar naalah meraa jaa))e hai

{153,6}

garchih hai :tarz-e ta;Gaaful pardah-daar-e raaz-e ((ishq
par ham aise kho))e jaate hai;N kih vuh paa jaa))e hai

{153,7}

us kii bazm-aaraa))iyaa;N sun kar dil-e ranjuur yaa;N
mi;sl-e naqsh-e mudda((aa-e ;Gair bai;Thaa jaa))e hai

{153,8}

ho ke ((aashiq vuh parii-ru;x aur naazuk ban gayaa
rang khultaa jaa))e hai jitnaa kih u;Rtaa jaa))e hai

{153,9}

naqsh ko us ke mu.savvir par bhii kyaa kyaa naaz hai;N
khe;Nchtaa hai jis qadar utnaa hii khi;Nchtaa jaa))e hai

{153,10}

saayah meraa mujh se mi;sl-e duud bhaage hai asad
paas mujh aatish bah jaa;N ke kis se ;Thahraa jaa))e hai