Ghazal 162

{162,1}

dil-e naa-daa;N tujhe hu))aa kyaa hai
aa;xir is dard kii davaa kyaa hai

{162,2}

ham hai;N mushtaaq aur vuh be-zaar
yaa il;aahii yih maajraa kyaa hai

{162,3}

mai;N bhii mu;Nh me;N zabaan rakhtaa huu;N
kaash puuchho kih mudda((aa kyaa hai

{162,4}

This verse is the beginning of a verse-set that includes {162, 4-7}.

jab kih tujh bin nahii;N ko))ii maujuud
phir yih hangaamah ai ;xudaa kyaa hai

{162,5}

yih parii-chahrah log kaise hai;N
;Gamzah-o-((ishvah-o-adaa kyaa hai

{162,6}

shikan-e zulf-e ((anbarii;N kyuu;N hai
nigah-e chashm-e surmah-saa kyaa hai

{162,7}

sabzah-o-gul kahaa;N se aa))e hai;N
abr kyaa chiiz hai havaa kyaa hai

{162,8}

ham ko un se vafaa kii hai ummiid
jo nahii;N jaante vafaa kyaa hai

{162,9}

haa;N bhalaa kar tiraa bhalaa hogaa
aur darvesh kii .sadaa kyaa hai

{162,10}

jaan tum par ni;saar kartaa huu;N
mai;N nahii;N jaantaa du((aa kyaa hai

{162,11}

mai;N ne maanaa kih kuchh nahii;N ;Gaalib
muft haath aa))e to buraa kyaa hai