Tughluqabad

Agra Fort, from the Berger Collection

 

Ghazal 174

10 verses (out of 10); rhyming elements: aal achchhaa hai
composed after 1847; Arshi #217

{174,1}

;husn-e mah garchih bah hangaam-e kamaal achchhaa hai
us se meraa mah-e ;xvurshiid-jamaal achchhaa hai

{174,2}

bosah dete nahii;N aur dil pah hai har la;h:zah nigaah
jii me;N kahte hai;N kih muft aa))e to maal achchhaa hai

{174,3}

aur baazaar se le aa))e agar ;Tuu;T gayaa
saa;Gar-e jam se miraa jaam-e safaal achchhaa hai

{174,4}

be-:talab de;N to mazah us me;N sivaa miltaa hai
vuh gadaa jis ko nah ho ;xuu-e savaal achchhaa hai

{174,5}

un ke dekhe se jo aa jaatii hai raunaq mu;Nh par
vuh samajhte hai;N kih biimaar kaa ;haal achchhaa hai

{174,6}

dekhiye paate hai;N ((ushshaaq buto;N se kyaa fai.z
ik barahman ne kahaa hai kih yih saal achchhaa hai

{174,7}

ham-su;xan teshe ne farhaad ko shiirii;N se kiyaa
jis :tara;h kaa kih kisii me;N ho kamaal achchhaa hai

{174,8}

qa:trah daryaa me;N jo mil jaa))e to daryaa ho jaa))e
kaam achchhaa hai vuh jis kaa kih ma-aal achchhaa hai

{174,9}

;xi.zr sul:taa;N ko rakhe ;xaaliq-e akbar sar-sabz
shaah ke baa;G me;N yih taazah nihaal achchhaa hai

{174,10}

ham ko ma((luum hai jannat kii ;haqiiqat lekin
dil ke ;xvush rakhne ko ;Gaalib yih ;xayaal achchhaa hai