Tughluqabad

Agra Fort, from the Berger Collection

 

Ghazal 178

10 verses (out of 10); rhyming elements: uu kyaa hai
composed after 1847; Arshi #219

{178,1}

har ek baat pah kahte ho tum kih tuu kyaa hai
tumhii;N kaho kih yih andaaz-e guftaguu kyaa hai

{178,2}

nah shu((le me;N yih karishmah nah barq me;N yih adaa
ko))ii bataa))o kih vuh sho;x-e tund-;xuu kyaa hai

{178,3}

yih rashk hai kih vuh hotaa hai ham-su;xan tum se
vagarnah ;xauf-e bad-aamozii-e ((aduu kyaa hai

{178,4}

chipak rahaa hai badan par lahuu se pairaahan
hamaare jeb ko ab ;haajat-e rafuu kyaa hai

{178,5}

jalaa hai jism jahaa;N dil bhii jal gayaa hogaa
kuredte ho jo ab raakh justajuu kyaa hai

{178,6}

rago;N me;N dau;Rte phirne ke ham nahii;N qaa))il
jab aa;Nkh se hii nah ;Tapkaa to phir lahuu kyaa hai

{178,7}

vuh chiiz jis ke liye ham ko ho bihisht ((aziiz
sivaa-e baadah-e gul-faam-e mushk-buu kyaa hai

{178,8}

piyuu;N sharaab agar ;xum bhii dekh luu;N do chaar
yih shiishah-o-qada;h-o-kuuzah-o-sabuu kyaa hai

{178,9}

rahii nah :taaqat-e guftaar aur agar ho bhii
to kis umiid pah kahye kih aarzuu kyaa hai

{178,10}

hu))aa hai shah kaa mu.saa;hib phire hai itraataa
vagarnah shahr me;N ;Gaalib kii aab-ruu kyaa hai