Tughluqabad

Agra Fort, from the Berger Collection

 

Ghazal 208

14 verses (out of 14); rhyming elements: aa mire aage
composed 1853; Arshi #229

{208,1}

baaziichah-e a:tfaal hai dunyaa mire aage
hotaa hai shab-o-roz tamaashaa mire aage

{208,2}

ik khel hai aurang-e sulaimaa;N mire nazdiik
ik baat hai i((jaaz-e masii;haa mire aage

{208,3}

juz naam nahii;N .suurat-e ((aalam mujhe man:zuur
juz vahm nahii;N hastii-e ashyaa mire aage

{208,4}

hotaa hai nihaa;N gard me;N .sa;hraa mire hote
ghistaa hai jabii;N ;xaak pah daryaa mire aage

{208,5}

mat puuchh kih kyaa ;haal hai meraa tire piichhe
tuu dekh kih kyaa rang hai teraa mire aage

{208,6}

sach kahte ho ;xvud-biin-o-;xvud-aaraa huu;N nah kyuu;N huu;N
bai;Thaa hai but-e aa))inah-siimaa mire aage

{208,7}

phir dekhiye andaaz-e gul-afshaanii-e guftaar
rakh de ko))ii paimaanah-e .sahbaa mire aage

{208,8}

nafrat kaa gumaa;N guzre hai mai;N rashk se guzraa
kyuu;Nkar kahuu;N lo naam nah un kaa mire aage

{208,9}

iimaa;N mujhe roke hai jo khai;Nche hai mujhe kufr
ka((bah mire piichhe hai kaliisaa mire aage

{208,10}

((aashiq hu;N pah ma((shuuq-farebii hai miraa kaam
majnuu;N ko buraa kahtii hai lail;aa mire aage

{208,11}

;xvush hote hai;N par va.sl me;N yuu;N mar nahii;N jaate
aa))ii shab-e ;hijraa;N kii tamannaa mire aage

{208,12}

hai mauj-zan ik qulzum-e ;xuu;N kaash yihii ho
aataa hai abhii dekhiye kyaa kyaa mire aage

{208,13}

go haath ko junbish nahii;N aa;Nkho;N me;N to dam hai
rahne do abhii saa;Gar-o-miinaa mire aage

{208,14}

ham-peshah-o-ham-mashrab-o-ham-raaz hai meraa
;Gaalib ko buraa kyuu;N kaho achchhaa mire aage