Tughluqabad

Agra Fort, from the Berger Collection

 

Ghazal 209

11 verses (out of 11); rhyming elements: aa kahiye
composed 1853; Arshi #228

{209,1}

kahuu;N jo ;haal to kahte ho mudda((aa kahiye
tumhii;N kaho kih jo tum yuu;N kaho to kyaa kahiye

{209,2}

nah kahyo ta((n se phir tum kih ham sitamgar hai;N
mujhe to ;xuu hai kih jo kuchh kaho bajaa kahiye

{209,3}

vuh neshtar sahii par dil me;N jab utar jaave
nigaah-e naaz ko phir kyuu;N nah aashnaa kahiye

{209,4}

nahii;N ;zarii((ah-e raa;hat jaraa;hat-e paikaa;N
vuh za;xm-e te;G hai jis ko kih dil-kushaa kahiye

{209,5}

jo mudda((ii bane us ke nah mudda((ii baniye
jo naa-sazaa kahe us ko nah naa-sazaa kahiye

{209,6}

kahii;N ;haqiiqat-e jaa;N-kaahii-e mara.z likhiye
kahii;N mu.siibat-e naa-saazii-e davaa kahiye

{209,7}

kabhii shikaayat-e ranj-e giraa;N-nishii;N kiije
kabhii ;hikaayat-e .sabr-e gurez-paa kahiye

{209,8}

rahe nah jaan to qaatil ko ;xuu;N-bahaa diije
ka;Te zabaan to ;xanjar ko mar;habaa kahiye

{209,9}

nahii;N nigaar ko ulfat nah ho nigaar to hai
ravaanii-e ravish-o-mastii-e adaa kahiye

{209,10}

nahii;N bahaar ko fur.sat nah ho bahaar to hai
:taraavat-e chaman-o-;xuubii-e havaa kahiye

{209,11}

safiinah jab kih kinaare pah aa lagaa ;Gaalib
;xudaa se kyaa sitam-o-jor-e naa-;xudaa kahiye