 |
|
|
|
| ۱ | تہمتیں چند اپنے ذمّے دھر چلے | ||
| جس لئے آئے تھے سو ہم کر چلے |  |
 |
|
| ۲ | زندگی ہے یا کوئی طوفان ہے | ||
| ہم تو اس جینے کے ہاتھوں مر چلے | |
||
| ۳ | کیا ہمیں کام ان گلوں سے اے صبا | ||
| ایک دم آئے ادھر اودھر چلے | |
||
| ۴ | دوستو دیکھا تماشا یاں کا بس | ||
| تم رہو اب ہم تو اپنے گھر چلے | |
||
| ۵ | آہ بس جی مت جلا تب جانئے | ||
| جب کوئی افسوں ترا اس پر چلے | |
||
| ۶ | ایک میں دل ریش ہوں ویسا ہی دوست | ||
| زخم کتنوں کے سنا ہے بھر چلے | |
||
| ۷ | شمع کے مانند ہم اس بزم میں | ||
| چشمتر آئے تھے دامنتر چلے | |
||
| ۸ | ڈھونڈھتے ہیں آپ سے اس کو پرے | ||
| شیخ صاحب چھوڑ گھر باہر چلے | |
||
| ۹ | ہم نہ جانے پائے باہر آپ سے | ||
| وہ ہی آڑے آ گیا جیدھر چلے | |
||
| ۱۰ | ہم جہاں میں آئے تھے تنہا ولے | ||
| ساتھ اپنے اب اسے لےکر چلے | |
||
| ۱۱ | جوں شرر اے ہستیِ بےبود یاں | ||
| بارے ہم بھی اپنی باری بھر چلے | |
||
| ۱۲ | ساقیا یاں لگ رہا ہے چل چلائو | ||
| جب تلک بس چل سکے ساغر چلے | |
||
| ۱۳ | درد کچھ معلوم ہے یہ لوگ سب | ||
| کس طرف سے آئے تھے کیدھر چلے | |
 |
|
Notes for # 1
