 |
|
|
|
| ۱ | کیوں دلا ہم ہوے پابندِ غمِ یار کہ تو | ||
| اب اذیّت میں بھلا ہم ہیں گرفتار کہ تو |  |
||
| ۲ | ہم تو کہتے تھے نہ عاشق ہو اب اتنا تو بتا | ||
| جا کے ہم روتے ہیں پہروں پسِ دیوار کہ تو | |
 |
|
| ۳ | ہاتھ کیوں عشقِ بتاں سے نہ اٹھایا تو نے | ||
| کفِ افسوس ہم اب ملتے ہیں ہر بار کہ تو | |
||
| ۴ | وہ ہی محفل ہے وہی لوگ وہی چرچا ہے | ||
| اب بھلا بیٹھے ہیں ہم شکلِ گنہگار کہ تو | |
||
| ۵ | ہم تو کہتے تھے کہ لب سے نہ لگا ساغرِ عشق | ||
| میِ اندوہ سے اب ہم ہوے سرشار کہ تو | |
||
| ۶ | بےجگہ جی کا پھنسانا تھا تجھے کیا درکار | ||
| طعن و تشنیع کے اب ہم ہیں سزاوار کہ تو | |
||
| ۷ | وحشتِ عشق بری ہوتی ہے دیکھا ناداں | ||
| ہم چلے دشت کو اب چھوڑ کے گھر بار کہ تو | |
||
| ۸ | آتشِ عشق کو سینے میں عبا بھڑکایا | ||
| اب بھلا کھینچوں ہوں میں آۂ شرربار کہ تو | |
||
| ۹ | ہم تو کہتے تھے نہ ہمراہ کسی کے لگ چل | ||
| اب بھلا ہم ہوے رسوا سرِ بازار کہ تو | |
||
| ۱۰ | غور کیجے تو یہ مشکل ہے زمیں اے جرئت | ||
| دیکھیں ہم اس میں کہیں اور بھی اشعار کہ تو | |
 |
|
Notes for # 2
