۱ | دل ہوا ہے مرا خرابِ سخن | ||
دیکھکر حسنِ بےحجابِ سخن | |||
۲ | بزمِ معنی میں سرخوشی ہے اسے | ||
جس کوں ہے نشّۂ شرابِ سخن | |||
۳ | راۂ مضمونِ تازہ بند نہیں | ||
تا قیامت کھلا ہے بابِ سخن | |||
۴ | جلوہ پیرا ہو شاہدِ معنی | ||
جب زباں سوں اٹھے نقابِ سخن | |||
۵ | گوہر اس کی نظر میں جا نہ کرے | ||
جن نے دیکھا ہے آب و تابِ سخن | |||
۶ | ہرزہ گویاں کی بات کیوں کے سنے | ||
جو سنا نغمۂ ربابِ سخن | |||
۷ | ہے تری بات اے نزاکتِ فہم | ||
لوح و دیباچۂ کتابِ سخن | |||
۸ | ہے سخن جگ منیں عدیم المثل | ||
جز سخن نئیں دوجا جوابِ سخن | |||
۹ | لفظِ رنگیں ہے مطلعِ رنگیں | ||
نورِ معنی ہے آفتابِ سخن | |||
۱۰ | شعرفہموں کی دیکھکر گرمی | ||
دل ہوا ہے مرا کبابِ سخن | |||
۱۱ | عرفی و انوری و خاقانی | ||
مجکوں دیتے ہیں سب حسابِ سخن | |||
۱۲ | اے ولی دردِ سر کبھو نہ رہے | ||
جب ملے صندل و گلابِ سخن |
|