א. לעיעלעס'ן

ווייל שפּאָט און אומגליק האבן דורכגעגליט איר לעבן,
האָט זי געטראָגן אַזוי שטאָלץ דעם קאָפּ,
ווי ס'וואָלט זי גאָט געהיימניספול דערהויבן.

אין לערען הויז, אין שפּיגל זיך געזען ווי דורך אַ רעגן.
און ווי עס וואָלטן אַלץ איר נאָכגעקוקט באַקאַנטע,
איז זי פייערלאַך געגאַנגען זיך אַנטקעגן,
ווי מען גייט אַנטקעגן אַן אינפאַנטע.

גערוט, גערוט. געזעסן גלייך און שטייף.
און ניט פאַרטרויט איר מאַסקע אויך דער איינזאַמקייט,
ווען ס'האָבן גוטע אָוונטיקע שאָען
יאָמערנדיק גענייגט זיך איבער איר און איבער אַלץ.
און נאָר געפילט : וויסטער, פלאַמיקער שגעון
דריקט צערטלאַך איר צונויף דעם האַלז.