Tughluqabad

Agra Fort, from the Berger Collection

 

Ghazal 164

14 verses (out of 14); rhyming elements: aarii hai
composed after 1816; Arshi #188

{164,1}

phir kuchh ik dil ko beqaraarii hai
siinah juuyaa-e za;xm-e kaarii hai

{164,2}

phir jigar khodne lagaa naa;xun
aamad-e fa.sl-e laalah-kaarii hai

{164,3}

qiblah-e maq.sad-e nigaah-e niyaaz
phir vuhii pardah-e ((amaarii hai

{164,4}

chashm dallaal-e jins-e rusvaa))ii
dil ;xariidaar-e ;zauq-e ;xvaarii hai

{164,5}

vohii .sad-rang naalah-farsaa))ii
vohii .sad-guunah ashk-baarii hai

{164,6}

dil havaa-e ;xiraam-e naaz se phir
ma;hsharistaan-e be-qaraarii hai

{164,7}

jalvah phir ((ar.z-e naaz kartaa hai
roz-e baazaar-e jaa;N-sipaarii hai

{164,8}

phir usii be-vafaa pah marte hai;N
phir vuhii zindagii hamaarii hai

{164,9}

This verse is the beginning of a verse-set that includes {164, 9-13}.

phir khulaa hai dar-e ((adaalat-e naaz
garm-baazaar-e faujdaarii hai

{164,10}

ho rahaa hai jahaan me;N andher
zulf kii phir sarishtah-daarii hai

{164,11}

phir diyaa paarah-e jigar ne savaal
ek faryaad-o-aah-o-zaarii hai

{164,12}

phir hu))e hai;N gavaah-e ((ishq :talab
ashk-baarii kaa ;hukm jaarii hai

{164,13}

dil-o-mizhgaa;N kaa jo muqaddamah thaa
aaj phir us kii ruubakaarii hai

{164,14}

be-;xvudii be-sabab nahii;N ;Gaalib
kuchh to hai jis kii pardah-daarii hai