Itimad ud-Daulah's tomb

Fatahpur Sikri, from the Berger Collection

 

Ghazal 20

11 verses (out of 11); rhyming elements: aar hotaa
composed after 1847; Arshi #43

{20,1}

yih nah thii hamaarii qismat kih vi.saal-e yaar hotaa
agar aur jiite rahte yihii inti:zaar hotaa

{20,2}

tire va((de par jiye ham to yih jaan jhuu;T jaanaa
kih ;xvushii se mar nah jaate agar i((tibaar hotaa

{20,3}

tirii naazukii se jaanaa kih ba;Ndhaa thaa ((ahd bodaa
kabhii tuu nah to;R saktaa agar ustuvaar hotaa

{20,4}

ko))ii mere dil se puuchhe tire tiir-e niim-kash ko
yih ;xalish kahaa;N se hotii jo jigar ke paar hotaa

{20,5}

yih kahaa;N kii dostii hai kih bane hai;N dost naa.si;h
ko))ii chaarah-saaz hotaa ko))ii ;Gam-gusaar hotaa

{20,6}

rag-e sang se ;Tapaktaa vuh lahuu kih phir nah thamtaa
jise ;Gam samajh rahe ho yih agar sharaar hotaa

{20,7}

;Gam agarchih jaa;N-gusil hai pah kahaa;N bache;N kih dil hai
;Gam-e ((ishq gar nah hotaa ;Gam-e rozgaar hotaa

{20,8}

kahuu;N kis se mai;N kih kyaa hai shab-e ;Gam burii balaa hai
mujhe kyaa buraa thaa marnaa agar ek baar hotaa

{20,9}

hu))e mar ke ham jo rusvaa hu))e kyuu;N nah ;Garq-e daryaa
nah kabhii janaazah u;Thtaa nah kahii;N mazaar hotaa

{20,10}

use kaun dekh saktaa kih yagaanah hai vuh yaktaa
jo duu))ii kii buu bhii hotii to kahii;N do chaar hotaa

{20,11}

yih masaa))il-e ta.savvuf yih tiraa bayaan ;Gaalib
tujhe ham valii samajhte jo nah baadah-;xvaar hotaa