ghazal
{420}
 
 

*{420,1}

jigar lohuu ko tarse hai mai;N sach kahtaa huu;N dil-;xastah
daliil us kii numaayaa;N hai mirii aa;Nkhe;N hai;N ;xuu;N-bastah

{420,2}

chaman me;N dil-;xaraash aavaaz aatii hai chalii shaayad
pas-e diivaar-e gulshan naalah-kash hai ko))ii par-bastah

{420,3}

jigar-sozaan-o-dil-biryaa;N barahnah-paa-o-sar-qurbaa;N
tajaavuz kyaa karuu;N us se kih un hii kaa huu;N vaabastah

*{420,4}

tire kuuche me;N yak-sar ((aashiqo;N ke ;xaar-e mizhgaa;N hai;N
jo tuu ghar se kabhuu nikle to rakhyo paa))o;N aahastah

*{420,5}

mire aage nahii;N ha;Nstaa to aa ik .sul;h kartaa huu;N
bhalaa mai;N ro))uu;N do daryaa tabassum kar tuu yak pastah

{420,6}

ta((ajjub hai mujhe yih sarv ko aazaad kahte hai;N
saraapaa dil kii .suurat jis kii ho vuh kyaa ho vaa-rastah

*{420,7}

tirii gul-gasht kii ;xaa:tir banaa hai baa;G daa;Go;N se
par-e :taa))uus siinah hai tamaamii dast gul-dastah

*{420,8}

bajaa hai gar falak par fa;xr se phe;Nke kulaah apnii
kahe jo is zamii;N me;N miir yak mi.sraa((-e bar-jastah