ghazal
{96}
 
 

*{96,1}

pai;Gaam-e ;Gam jigar kaa gulzaar tak nah pahu;Nchaa
naalah miraa chaman kii diivaar tak nah pahu;Nchaa

{96,2}

us aa))ine ke maanind zangaar jis ko khaave
kaam apnaa us ke ;Gam me;N diidaar tak nah pahu;Nchaa

{96,3}

juu;N naqsh-e paa hai ;Gurbat ;hairaan-kaar us kii
aavaarah ho va:tan se jo yaar tak nah pahu;Nchaa

{96,4}

lab-rez-e shikvah the ham lekin ;hu.zuur tere
kaar-e shikaayat apnaa guftaar tak nah pahu;Nchaa

{96,5}

le chashm-e nam-rasiidah paanii chuvaane ko))ii
vaqt-e a;xiir us ke biimaar tak nah pahu;Nchaa

*{96,6}

yih ba;xt-e sabz dekho baa;G-e zamaanah me;N se
pazhmurdah gul bhii apnii dastaar tak nah pahu;Nchaa

*{96,7}

mastuurii ;xuub-ruu))ii dono;N nah jam((a hove;N
;xuubii kaa kaam kis kii i:zhaar tak nah pahu;Nchaa

*{96,8}

yuusuf se le ke taa gul phir gul se le ke taa sham((a
yih ;husn kis ko le kar baazaar tak nah pahu;Nchaa

*{96,9}

afsos miir ve jo hone shahiid aa))e
phir kaam un kaa us kii talvaar tak nah pahu;Nchaa

 

{96,trans.}

Translations