ghazal
{321}

 
 

*{321,1}

mai;N kaun huu;N ay ham-nafasaa;N so;xtah-jaa;N huu;N
ik aag mire dil me;N hai jo shu((lah-fishaa;N huu;N

*{321,2}

laayaa hai miraa shauq mujhe parde se baahar
mai;N varnah vuhii ;xalvatii-e raaz-e nihaa;N huu;N

{321,3}

jalvah hai mujhii se lab-e daryaa-e su;xan par
.sad rang mirii mauj hai mai;N :tab((-e ravaa;N huu;N

*{321,4}

panjah hai miraa panjah-e ;xvurshiid me;N har .sub;h
mai;N shaanah-.sifat saayah-rav-e zulf-e butaa;N huu;N

{321,5}

dekhaa hai mujhe jin ne so diivaanah hai meraa
mai;N baa((is;-e aashuftagii-e :tab((-e jahaa;N huu;N

*{321,6}

takliif nah kar aah mujhe junbish-e lab kii
mai;N .sad su;xan aa;Gashtah bah ;xuu;N zer-e zabaa;N huu;N

{321,7}

huu;N zard ;Gam-e taazah-nihaalaan-e chaman se
is baa;G-e ;xizaa;N-diidah me;N mai;N barg-e ;xizaa;N huu;N

{321,8}

rakhtii hai mujhe ;xvaahish-e dil baskih pareshaa;N
dar pe nah ho is vaqt to ;xudaa jaane kahaa;N huu;N

*{321,9}

ik vahm nahii;N besh mirii hastii-e mauhuum
us par bhii tirii ;xaa:tir-e naazuk pah giraa;N huu;N

*{321,10}

;xvush-baashii-o-tanziih-o-taqaddus the mujhe miir
asbaab pa;Re yuu;N kih ka))ii roz se yaa;N huu;N