Qutb Minar

Fatahpur Sikri, from the Berger Collection

 

Ghazal 10

12 verses (out of 12); rhyming elements: aa;N kaa
composed after 1826; Arshi #37

{10,1}

sataayish-gar hai zaahid is qadar jis baa;G-e ri.zvaa;N kaa
vuh ik guldastah hai ham be-;xvudo;N ke :taaq-e nisyaa;N kaa

{10,2}

bayaa;N kyaa kiijiye bedaad-e kaavish'haa-e mizhgaa;N kaa
kih har ik qa:trah-e ;xuu;N daanah hai tasbii;h-e marjaa;N kaa

{10,3}

nah aa))ii sa:tvat-e qaatil bhii maana(( mere naalo;N ko
liyaa daa;Nto;N me;N jo tinkaa hu))aa reshah nayastaa;N kaa

{10,4}

dikhaa))uu;Ngaa tamaashaa dii agar fur.sat zamaane ne
miraa har daa;G-e dil ik tu;xm hai sarv-e chiraa;Gaa;N kaa

{10,5}

kiyaa aa))iinah-;xaane kaa vuh naqshah tere jalve ne
kare jo partav-e ;xvurshiid ((aalam shabnam-istaa;N kaa

{10,6}

mirii ta((miir me;N mu.zmar hai ik .suurat ;xaraabii kii
hayuul;aa barq-e ;xirman kaa hai ;xuun-e garm dihqaa;N kaa

{10,7}

ugaa hai ghar me;N har suu sabzah viiraanii tamaashaa kar
madaar ab khodne par ghaas ke hai mere darbaa;N kaa

{10,8}

;xamoshii me;N nihaa;N ;xuu;N-gashtah laakho;N aarzuu))e;N hai;N
chiraa;G-e murdah huu;N mai;N be-zabaa;N gor-e ;Gariibaa;N kaa

{10,9}

hanuuz ik partav-e naqsh-e ;xayaal-e yaar baaqii hai
dil-e afsurdah goyaa ;hujrah hai yuusuf ke zindaa;N kaa

{10,10}

ba;Gal me;N ;Gair kii aaj aap sote hai;N kahii;N varnah
sabab kyaa ;xvaab me;N aa kar tabassumhaa-e pinhaa;N kaa

{10,11}

nahii;N ma((luum kis kis kaa lahuu paanii hu))aa hogaa
qiyaamat hai sirishk-aaluudah honaa terii mizhgaa;N kaa

{10,12}

na:zar me;N hai hamaarii jaadah-e raah-e fanaa ;Gaalib
kih yih shiiraazah hai ((aalam ke ajzaa-e pareshaa;N kaa