Qutb Minar, from the Berger Collection

Ghazal 111

16 divan verses (out of 16); rhyming elements: aa;N ho ga))ii;N
composed 1852; Arshi #114

{111,1}

sab kahaa;N kuchh laalah-o-gul me;N numaayaa;N ho ga))ii;N
;xaak me;N kyaa .suurate;N ho;Ngii kih pinhaa;N ho ga))ii;N

{111,2}

yaad thii;N ham ko bhii rangaarang bazm-aaraa))iyaa;N
lekin ab naqsh-o-nigaar-e :taaq-e nisyaa;N ho ga))ii;N

{111,3}

thii;N banaat ul-na((sh-e garduu;N din ko parde me;N nihaa;N
shab ko un ke jii me;N kyaa aa))ii kih ((uryaa;N ho ga))ii;N

{111,4}

qaid me;N ya((quub ne lii go nah yuusuf kii ;xabar
lekin aa;Nkhe;N rauzan-e diivaar-e zindaa;N ho ga))ii;N

{111,5}

sab raqiibo;N se ho;N naa-;xvush par zanaan-e mi.sr se
hai zulai;xaa ;xvush kih ma;hv-e maah-e kan((aa;N ho ga))ii;N

{111,6}

juu-e ;xuu;N aa;Nkho;N se bahne do kih hai shaam-e firaaq
mai;N yih samjhuu;Ngaa kih sham((e;N do furozaa;N ho ga))ii;N

{111,7}

in pariizaado;N se le;Nge ;xuld me;N ham intiqaam
qudrat-e ;haq se yihii ;huure;N agar vaa;N ho ga))ii;N

{111,8}

niind us kii hai dimaa;G us kaa hai raate;N us kii hai;N
terii zulfe;N jis ke baazuu par pareshaa;N ho ga))ii;N

{111,9}

mai;N chaman me;N kyaa gayaa goyaa dabistaa;N khul gayaa
bulbule;N sun kar mire naale ;Gazal-;xvaa;N ho ga))ii;N

{111,10}

vuh nigaahe;N kyuu;N hu))ii jaatii hai;N yaa rab dil ke paar
jo mirii kotaahii-e qismat se mizhgaa;N ho ga))ii;N

{111,11}

baskih rokaa mai;N ne aur siine me;N ubhrii;N pai bah pai
merii aahe;N ba;xyah-e chaak-e garebaa;N ho ga))ii;N

{111,12}

vaa;N gayaa bhii mai;N to un kii gaaliyo;N kaa kyaa javaab
yaad thii;N jitnii du((aa))e;N .sarf-e darbaa;N ho ga))ii;N

{111,13}

jaa;N-fizaa hai baadah jis ke haath me;N jaam aa gayaa
sab lakiire;N haath kii goyaa rag-e jaa;N ho ga))ii;N

{111,14}

ham muva;h;hid hai;N hamaaraa kesh hai tark-e rusuum
millate;N jab mi;T ga))ii;N ajzaa-e iimaa;N ho ga))ii;N

{111,15}

ranj se ;xuu-gar hu))aa insaa;N to mi;T jaataa hai ranj
mushkile;N mujh par pa;Rii;N itnii kih aasaa;N ho ga))ii;N

{111,16}

yuu;N hii gar rotaa rahaa ;Gaalib to ai ahl-e jahaa;N
dekhnaa in bastiyo;N ko tum kih viiraa;N ho ga))ii;N